ಭಾರತದ ಇತಿಹಾಸದ ಮೇಲೆ ಭೂಗೋಳದ ಪ್ರಭಾವ

ಪರಿಚಯ

ಭಾರತದ ಇತಿಹಾಸದ ಮೇಲೆ ಭೂಗೋಳದ ಪ್ರಭಾವ ತಿಳಿಯೋಣ ವಿಶ್ವದ ಅತ್ಯಂತ ಪ್ರಾಚೀನ ಸಂಸ್ಕೃತಿಕ ಪರಂಪರೆ ಹೊಂದಿರುವ ರಾಷ್ಟ್ರಗಳಲ್ಲಿ ಭಾರತ ಪ್ರಮುಖವಾಗಿದೆ. ಭಾರತವು ಭೌಗೋಳಿಕವಾಗಿ ವೈದ್ಯಮಯವಾದ ಮೇಲ್ಮೈ ಲಕ್ಷಣಗಳನ್ನು ಹೊಂದಿದೆ.

ಭಾರತವು ಸಂಪದ್ಭರಿತ ದೇಶವಾಗಿದೆ, ಇಲ್ಲಿನ ಭೂಮಿಯು ಫಲವತ್ತಾಗಿದೆ. ಇಲ್ಲಿನ ಸುಂದರವಾದ ಗಿರಿ ಶಿಖರಗಳು, ನದಿಗಳು, ದಟ್ಟವಾದ ಅರಣ್ಯಗಳು, ವಿಶಾಲವಾದ ಮತ್ತು ಸುಂದರವಾದ ಮೈದಾನಗಳು ಭಾರತದ ಸೌಂದರ್ಯವನ್ನು ಹೆಚ್ಚಿಸುತ್ತದೆ.

ಭಾರತದ ಭೌಗೋಳಿಕ ಲಕ್ಷಣಗಳು

1. ಹಿಮಾಲಯ ಪರ್ವತಶ್ರೇಣಿ
2. ಸಿಂಧೂ ಗಂಗಾ ನದಿ ಬಯಲು
3. ಧಖನ್ ಪ್ರಸ್ಥಭೂಮಿ
4. ಪೂರ್ವ ಮತ್ತು ಪಶ್ಚಿಮ ಘಟ್ಟಗಳು
5. ತೀರ ಪ್ರದೇಶಗಳು

ಹಿಮಾಲಯ ಪರ್ವತಶ್ರೇಣಿ

• ಹಿಮಾಲಯ ಪರ್ವತವು ಸುಮಾರು 1500 ಮೈಲಿ ಉದ್ದ ಮತ್ತು 150 ರಿಂದ 170 ಮೈಲಿ ಅಗಲವಾಗಿ ಹಬ್ಬಿರುವ ಹಿಮಾಲಯ ಪರ್ವತಗಳು ಭಾರತಕ್ಕೆ ಸ್ವಾಭಾವಿಕವಾಗಿ ರಕ್ಷಣಾ ಗೋಡೆಯಾಗಿ ನಿಂತಿವೆ.
• ಈ ಪರ್ವತ ಶ್ರೇಣಿಗಳು ಉತ್ತರ ಕಡೆಯಿಂದ ವಿದೇಶಿಯರು ಅಕ್ರಮಣ ಮಾಡದಂತೆ ನಮ್ಮ ದೇಶವನ್ನು ರಕ್ಷಿಸುತ್ತವೆ.
• ಈ ಪರ್ವತಗಳು ಸೈಬೀರಿಯಾ ಕಡೆಯಿಂದ ಬಿಸಿ ಬರುವ ಶೀತಲಾ ಮಾರುತಗಳನ್ನು ತಡೆದು ಹಿಡತಕರವಾದ ವಾಯುಗುಣವನ್ನು ಒದಗಿಸುತ್ತದೆ.
• ಹಿಮಾಲಯ ಪರ್ವತಗಳು ಹಿಂಗಾರು ಮತ್ತು ಮುಂಗಾರು ಮಾರುತಗಳನ್ನು ತಡೆದು ದೇಶದಲ್ಲಿ ಹೆಚ್ಚು ಮಳೆಯನ್ನು ಸುರಿಸುತ್ತದೆ. ಇದರಿಂದ ಹುಟ್ಟುವ ನದಿಗಳಿಂದ ಭಾರತೀಯ ಕೃಷಿಯನ್ನು ಅಭಿವೃದ್ಧಿಪಡಿಸಿದೆ.
• ಇದು ಸದಾ ಕಾಲ ಹರಿಯುವ ನದಿಗಳಿಗೆ ಜನ್ಮ ನೀಡಿದೆ.
• ಹಿಮಾಲಯವು ಧಾರ್ಮಿಕ ಪರಂಪರೆ, ಸಂಸ್ಕೃತಿ ಹಾಗೂ ಆಧ್ಯಾತ್ಮಿಕ ಕೇಂದ್ರಗಳ ಜನ್ಮಸ್ಥಳವಾಗಿದೆ. ಕೇದರನಾಥ, ಬದ್ರಿನಾಥ, ಅಮರನಾಥ, ಕೈಲಾಸ ಮಾನಸ ಸರೋವರ ಮುಂತಾದ ಪವಿತ್ರ ಕ್ಷೇತ್ರಗಳಾವುವು ಇಲ್ಲಿವೆ
• ಉತ್ತರದ ಕಣಿವೆಗಳಾದ ಕೈಬರ್ ಮತ್ತು ಬೋಲಾನ್ ಭಾರತೀಯರಿಗೆ ಪಶ್ಚಿಮಾತ್ಯರೊಂದಿಗೆ ವಾಣಿಜ್ಯ ಹಾಗೂ ಸಂಸ್ಕೃತಿಯ ಸಂಬಂಧಗಳನ್ನು ಬೆಳೆಸಲು ಸಹಾಯ ಮಾಡಿದ್ದಲ್ಲದೆ ಭಾರತವನ್ನು ಆರ್ಯರು, ಪರ್ಶಿಯನ್ನರು, ಗ್ರೀಕರು, ಅಫ್ಘನ್ನರು ಮತ್ತು ಹುಣರಿಂದ ನಿರಂತರ ದಾಳಿಗಳಿಗೆ ದಾರಿ ಮಾಡಿ ಕೊಟ್ಟಿತು.

ಸಿಂಧೂ ಗಂಗಾ ನದಿ ಬಯಲು

• ಒಂದು ದೇಶದ ಇತಿಹಾಸವನ್ನು ರೂಪಿಸುವುದರಲ್ಲಿ ಅಲ್ಲಿನ ನದಿಗಳ ಪಾತ್ರವು ದೊಡ್ಡದಾಗಿರುತ್ತದೆ.
• ಭಾರತದ ಉತ್ತರ ಭಾಗದಿಂದ ಹರಿದು ಬರುವ ಸಿಂಧೂ ಗಂಗಾ ಯಮುನಾ ಬ್ರಹ್ಮಪುತ್ರ ನದಿಗಳು ಇಲ್ಲಿನ ಜನರ ಆಧಾರ ಸ್ತಂಭವಾಗಿದೆ.
• ಹಿಮಾಲಯದಲ್ಲಿ ಹುಟ್ಟಿ ಬರುವಂತಹ ಈ ಜೀವಂತ ನದಿಗಳಿಂದ ಬಯಲು ಪ್ರದೇಶವು ಅತ್ಯಂತ ಫಲವತ್ತಾದ ಮತ್ತು ಜನಭರಿತವಾದ ಪ್ರದೇಶಗಳಾಗಿವೆ.
• ಈ ಬಯಲುಗಳು ಭಾರತೀಯ ಜನರ ಸಾಂಸ್ಕೃತಿಕ ಹಾಗು ಐತಿಹಾಸಿಕ ಕೇಂದ್ರ ಸ್ಥಳಗಳು ಎಂದು ಹೇಳಲಾಗಿದೆ. ಅಲ್ಲದೆ ಇತಿಹಾಸಗಳು ಹುಟ್ಟಿ ಬೆಳೆದಿದ್ದು ಇಲ್ಲಿಯೇ.
• ಈ ನದಿ ಬಯಲುಗಳಿಂದ ಪ್ರಪಂಚದ ಅತ್ಯಂತ ಪುರಾತನ ನಾಗರಿಕತೆಗಳಲ್ಲಿ ಒಂದಾದ ಸಿಂಧೂ ನಾಗರಿಕತೆಯು ಇಲಿ ಜನ್ಮ ತಾಳಿತು.
• ಭಾರತವನ್ನು ಆಳಿದ ಶ್ರೇಷ್ಠ ಸಮಾಜಗಳಾದ ಮೌರ್ಯ ಗುಪ್ತ ವರ್ಧನ ಮೊಘಲ್ ಮುಂತಾದ ಸಾಮ್ರಾಜ್ಯಗಳು ಇಲ್ಲಿ ಹುಟ್ಟಿ ಬೆಳೆದಿದೆ.
• ಇಲ್ಲಿನ ವ್ಯವಸ್ಥೆ ಜನರ ಬೌದ್ಧಿಕ ಮತ್ತು ಸಾಂಸ್ಕೃತಿಕ ಪ್ರಗತಿಗೆ ಕಾರಣವಾಗಿದೆ.
• ಈ ಪ್ರದೇಶದ ಫಲವತ್ತಾದ ಭೂಮಿ ಮತ್ತು ನೀರಾವರಿ ಸೌಲಭ್ಯ ಹೆಚ್ಚಿನ ಆಹಾರ ಉತ್ಪಾದನೆ ಮತ್ತು ಜನಭರಿತತೆಗೆ ಕಾರಣವಾಗಿದೆ.
• ಇದರ ಕಾರಣದಿಂದಾಗಿ ಇಲ್ಲಿ ಹಲವಾರು ಪಟ್ಟಣಗಳು ಕೈಗಾರಿಕಾ ಕೇಂದ್ರಗಳು ವಾಣಿಜ್ಯ ಕೇಂದ್ರಗಳು ಅಭಿವೃದ್ಧಿ ಹೊಂದುವುದಕ್ಕೆ ಸಾಧ್ಯವಾಗಿದೆ.
• ಇಲ್ಲಿನ ಅತ್ಯಧಿಕ ಸಂಪತ್ತು ವಿದೇಶಿ ದಾಳಿಕೋರರನ್ನು ಆಕರ್ಷಿಸಿದವು ಅಲ್ಲದೆ ಹಲವಾರು ವಿನಾಶಕಾರಿ ಯುದ್ಧಗಳಿಗೆ ಕಾರಣವಾದವು.

ಧಖನ್ ಪ್ರಸ್ಥಭೂಮಿ

• ಧಖನ್ ಎನ್ನುವ ಪದವು ದಕ್ಷಿಣ ಪಥ ಎಂಬ ಪದದಿಂದ ಬಂದಿದೆ.
• ಧಕನ್ ಪ್ರಸ್ಥಭೂಮಿ ಭಾರತದ ಉಪಖಂಡದ ದಕ್ಷಿಣ ಭಾಗದಲ್ಲಿ ವಿಸ್ತರಿಸಿದೆ.
• ಧಕನ್ ಪ್ರಸ್ಥಭೂಮಿಯು ಚಪ್ಪಟೆಯಾಗಿದ್ದು ಪಶ್ಚಿಮದಿಂದ ಪೂರ್ವದ ಕಡೆ ಇಳಿಭಾಗವಾಗಿ ಮುಂದುವರೆಯುತ್ತದೆ.
• ಇಲ್ಲಿನ ಪ್ರಮುಖ ನದಿಗಳಾದ ನರ್ಮದಾ ಮತ್ತು ತಪತಿ ನದಿಗಳು ಪೂರ್ವದಿಂದ ಪಶ್ಚಿಮಕ್ಕೆ ಹರಿದು ಅರಬ್ಬಿ ಸಮುದ್ರವನ್ನು ಸೇರುತ್ತದೆ.
• ಇದು ತ್ರಿಕೋನಾಕಾರದ ಆಕಾರ ಹೊಂದಿದ್ದು ಉತ್ತರದಲ್ಲಿ ವಿಂಧ್ಯ ಪರ್ವತಗಳು ಪಶ್ಚಿಮದಲ್ಲಿ ಸಹ್ಯಾದ್ರಿ ಮತ್ತು ಪೂರ್ವಘಟ್ಟಗಳಿವೆ.

ಪೂರ್ವ ಮತ್ತು ಪಶ್ಚಿಮ ಘಟ್ಟಗಳು

• ಪುರು ಮತ್ತು ಪಶ್ಚಿಮ ಘಟ್ಟಗಳು ಬಂಗಾಳಕೊಲ್ಲಿ ಮತ್ತು ಅರಬ್ಬಿ ಸಮುದ್ರ ಅಂಚಿನಲ್ಲಿ ದಕ್ಷಿಣ ಅಭಿಮುಖವಾಗಿ ಮುಂದುವರೆಯುತಾ ಬಂದು ನೀಲಾಗಿರಿಯಬಳಿ ಒಟ್ಟುಗೂಡಿ ಮುಂದುವರೆದು ಭಾರತದ ದಕ್ಷಿಣದ ತುತ್ತ ತುದಿಯಾದ ಕನ್ಯಾಕುಮಾರಿಗೆ ಸೇರುತ್ತದೆ.
• ಪಶ್ಚಿಮ ಘಟ್ಟಗಳು ಪೂರ್ವಘಟ್ಟಗಳಿಗಿಂತ ವಿಶಾಲವಾಗಿಲ್ಲ, ಪಶ್ಚಿಮ ಘಟ್ಟಗಳು ಪಶ್ಚಿಮ ತೀರ ಪ್ರದೇಶ ಹಾಗೂ ಅರೇಬಿಯನ್ ಸಮುದ್ರ ನಡುವಿನ ಪ್ರದೇಶವಾಗಿದೆ.
• ಈ ಪ್ರದೇಶವು ಬಹಳ ಫಲವತ್ತಾಗಿದ್ದು ಹೆಚ್ಚು ಮಳೆ ಬೀಳುವ ಪ್ರದೇಶವಾಗಿದೆ ಅಲ್ಲದೆ ಇಲ್ಲಿ ದಟ್ಟವಾದ ಅರಣ್ಯವನ್ನು ಕಾಣಬಹುದು.
• ಈ ಪ್ರದೇಶದಲ್ಲಿ ಹವಾಗುಣವು ಉತ್ತಮವಾಗಿದ್ದು ನೈಸರ್ಗಿಕ ಸಂಪತ್ತಿನ ತಾಣವಾಗಿದೆ.
• ಇಲ್ಲಿ ಬೆಲೆ ಬಾಳುವ ಮರಗಳಾದ ಬಿಟ್ಟೆ, ಹೊನ್ನೇ, ಗಂಧದ ಮರಗಳು ಈ ಪ್ರದೇಶದಲ್ಲಿ ಅತಿ ಹೇಳಲವಾಗಿ ಬೆಳೆಯುತ್ತವೆ.
• ಇಲ್ಲಿ ಕಂಡು ಬರುವ ಹಲವಾರು ಬಂದರುಗಳು ದೇಶದ ವ್ಯಾಪಾರ ಮತ್ತು ವಾಣಿಜ್ಯ ಅಭಿವೃದ್ಧಿಗೆ ಕಾರಣವಾಗಿದೆ.
• ಇಲ್ಲಿನ ಕೊಂಕಣ ಮತ್ತು ಮುಂಬಾರ್ ಪ್ರದೇಶವು ಪ್ರಕೃತಿಯ ಸೌಂದರ್ಯಕ್ಕೆ ಪ್ರಸಿದ್ಧಿಯಾಗಿದೆ.
• ಈ ಪ್ರದೇಶದಲ್ಲಿ ನದಿಗಳ ಆಸರೆ ಇಲ್ಲದಿರುವ ಪ್ರದೇಶ ಬರಡು ಭೂಮಿಯಾಗಿ ಉಳಿದಿದೆ.
• ಇಲ್ಲಿನ ಪ್ರಮುಖ ನದಿಗಳೆಂದರೆ ಕೃಷ್ಣ ಗೋದಾವರಿ ಮಹಾನದಿ ಕಾವೇರಿ ಮುಂತಾದವುಗಳು ಈ ಪ್ರದೇಶದ ಆರ್ಥಿಕ ಅಭಿವೃದ್ಧಿಗೆ ಕಾರಣವಾಗಿದೆ

ತೀರ ಪ್ರದೇಶಗಳು

• ಭಾರತವು 7516 km ಉದ್ದವಾದ ಕರಾವಳಿ ತೀರಗಳನ್ನು ಹೊಂದಿದೆ.
• ಭಾರತ ಕರಾವಳಿ ತೀರವನ್ನು ಎರಡು ಭಾಗವಾಗಿಸಿದೆ 1 ಪಶ್ಚಿಮ ಕರಾವಳಿ – ಅರೇಬಿಯನ್ ಸಮುದ್ರದತಿರ ( ಗುಜರಾತ್ ಇಂದ ಕೇರಳದವರೆಗೂ ) 2 ಪೂರ್ವ ಕರಾವಳಿ – ಬಂಗಾಳಕೊಲ್ಲಿಯ ತೀರ ( ಪಶ್ಚಿಮ ಬಂಗಾಳದಿಂದ ತಮಿಳುನಾಡಿನ ವರೆಗೆ)
• ತೀರ ಪ್ರದೇಶಗಳು ಮೀನುಗಾರಿಕೆ ವ್ಯಾಪಾರ ಮತ್ತು ಬಂದರುಗಳ ಅಭಿವೃದ್ಧಿಗೆ ಮುಖ್ಯ ಕೇಂದ್ರವಾಗಿದೆ ಪ್ರಮುಖ ಬಂದರುಗಳು – ಮುಂಬೈ ಕೊಚ್ಚಿ ಚೆನ್ನೈ ವಿಶಾಖಪಟ್ಟಣಂ ಕ್ಯಾಂಬೆ ಮರ್ಮಗೋವಾ ಮತ್ತು ಕಾಲಿಕಟ್ ಆಗಿವೆ.
• ತೀರ ಪ್ರದೇಶಗಳು ತೆಂಗು ಅಕ್ಕಿ ಸಕ್ಕರೆ ಕಬ್ಬು ಮಸಾಲೆ ಬೆಳೆಗಳ ಉತ್ಪಾದನೆಗೆ ಪ್ರಸಿದ್ಧಿಯಾಗಿದೆ.
• ತೀರ ಪ್ರದೇಶಗಳು ಭಾರತದ ಆರ್ಥಿಕತೆ ವಾಣಿಜ್ಯ ಮತ್ತು ಸಂಸ್ಕೃತಿಕ ವೈವಿಧ್ಯತೆಗೆ ಪ್ರಮುಖ ಪಾತ್ರವನ್ನು ವಹಿಸುತ್ತದೆ.

ಭಾರತದ ಇತಿಹಾಸದ ಮೇಲೆ ಭೂಗೋಳದ ಪ್ರಭಾವ – ಉಪಸಂಹಾರ

ಭಾರತದ ಇತಿಹಾಸದ ಮೇಲೆ ಭೂಗೋಳದ ಪ್ರಭಾವ ಭಾರತದ ಭೌಗೋಳಿಕ ಲಕ್ಷಣಗಳು – ಹಿಮಾಲಯ ಪರ್ವತಗಳು, ನದಿ ತಟಗಳು, ಮರುಭೂಮಿಗಳು, ಕರಾವಳಿ ತೀರಗಳು ಮತ್ತು ಪ್ರಸ್ಥಭೂಮಿಗಳು ಇವುಗಳು ಭಾರತದ ಇತಿಹಾಸದ ದಿಕ್ಕನ್ನು ನಿರ್ಧರಿಸಿದ್ದವೆ. ಹಿಮಾಲಯ ಆಕ್ರಮಣಕಾರರಿಂದ ರಕ್ಷಣೆ ನೀಡಿದರೆ, ನದಿಗಳು ಫಲವತ್ತಾದ ಭೂಮಿಯನ್ನು ನೀಡುವ ಮೂಲಕ ಮಹಾನ್ ನಾಗರಿಕತೆಗಳ ಹುಟ್ಟಿಗೆ ಕಾರಣವಾದವು. ಕರಾವಳಿ ತೀರಗಳು ಭಾರತದ ವ್ಯಾಪಾರ ಮತ್ತು ವಿದೇಶಿ ಸಂಬಂಧಗಳನ್ನು ವಿಸ್ತರಿಸಿದರೆ, ಮರುಭೂಮಿ ಮತ್ತು ಕಾಡುಗಳು ಜನರನ್ನು ಪರಿಶ್ರಮಿ ಹಾಗೂ ಶೂರರನ್ನಾಗಿ ರೂಪಿಸಿದವು. ಹೀಗಾಗಿ, ಭಾರತದ ಭೌಗೋಳಿಕ ವೈವಿಧ್ಯತೆಯೇ ಅದರ ಸಂಸ್ಕೃತಿ, ರಾಜಕೀಯ ವ್ಯವಸ್ಥೆ, ಆರ್ಥಿಕತೆ ಮತ್ತು ಸಾಮಾಜಿಕ ಬೆಳವಣಿಗೆಯ ಪ್ರಮುಖ ಆಧಾರವಾಗಿದೆ.

LATEST BLOGS

• PSI QUESTION ANSWERS IN KANNADA
• ಚಿಕ್ಕಮಗಳೂರು ಪ್ರವಾಸ ಮಾಹಿತಿ
• Current Affairs in Kannada
• ಕೊಡಗು ಪ್ರವಾಸ ಮಾಡಬೇಕಾದ 4 ಅದ್ಭುತ ಕಾರಣಗಳು
• ಆದಿಕವಿ ಪಂಪ