ಭಾರತದ 7 ಅದ್ಭುತಗಳು 2025

ವಿಶ್ವದ 7 ಅದ್ಭುತಗಳ ನಂತರ ಭಾರತದ ಸೂಪರ್ 7 WONDERS ಕರ್ನಾಟಕದವೇ 2 TOP ನಲ್ಲಿ – ನೋಡಿ ಶಾಕ್ ಆಗ್ತೀರಾ?

ಭಾರತದ 7 ಅದ್ಭುತಗಳು 2025

ಭಾರತವು ಶ್ರೀಮಂತ ಸಂಸ್ಕೃತಿ, ವೈವಿಧ್ಯತೆ, ಭೌಗೋಳಿಕ ಮತ್ತು ಇತಿಹಾಸದ ಭೂಮಿ. ಇದು ಪ್ರಪಂಚದ ಜನರನ್ನು ತನ್ನತ್ತ ಆಕರ್ಷಿಸುವಷ್ಟು ಶ್ರೀಮಂತ ಪ್ರವಾಸೋದ್ಯಮವನ್ನು ಹೊಂದಿದೆ.
ಭಾರತದ ಅದ್ಭುತಗಳನ್ನು ಕಣ್ತುಂಬಿಕೊಳ್ಳಲು ಜನರು ದೂರದೂರಿನಿಂದ ಬರುತ್ತಾರೆ. ಇಲ್ಲಿರುವ ಸಂಕೀರ್ಣ ಕೆತ್ತನೆಗಳನ್ನು ಹೊಂದಿರುವ ಸ್ಮಾರಕಗಳು, ಆಲಯಗಳು, ಕಟ್ಟಡಗಳು ಇತಿಹಾಸಕಾರರನ್ನೂ ಸೆಳೆಯುತ್ತವೆ.
ಅಷ್ಟಕ್ಕೂ ಭಾರತದ ಅದ್ಭುತಗಳಲ್ಲಿ ನಮ್ಮ ಕರ್ನಾಟಕದ ಯಾವೆಲ್ಲಾ ಸ್ಥಳವು ಸೇರ್ಪಡೆಯಾಗಿದೆ ಎಂಬುದನ್ನು ತಿಳಿಯಿರಿ.

ಶ್ರವಣಬೆಳಗೊಳದಲ್ಲಿ ಏಕಶಿಲಾ ಗೋಮಟೇಶ್ವರ

ಕರ್ನಾಟಕದ ಶ್ರವಣಬೆಳಗೊಳವು ಭಾರತದ ಅದ್ಭುತಗಳಲ್ಲಿ ಒಂದಾಗಿದೆ. ಏಕ ಶಿಲಾ ಗೊಮ್ಮಟೇಶ್ವರವು ಸುಮಾರು 57 ಅಡಿ ಎತ್ತರದಲ್ಲಿರುವ ದೈತ್ಯಾಕಾರದ ಒಂದು ಪ್ರತಿಮೆ ಆಗಿದೆ. ಈ ಅದ್ಭುತವಾಗಿರುವ ಪ್ರತಿಮೆಯನ್ನು ಗಂಗಾರಮಂತ್ರಿ ಆಗಿದ್ದ ಚಾಮುಂಡರಾಯ ಕೆತ್ತಿಸಿದ್ದಾರೆ ಎನ್ನಲಾಗಿದೆ.
ಇಲ್ಲಿಯ ವಿಶೇಷತೆ ಏನೆಂದರೆ,ಇಲ್ಲಿ 12 ವರ್ಷಕ್ಕೊಮ್ಮೆ ಈ ಪ್ರತಿಮೆಗೆ ಮಹಾ ಮಸ್ತಕಾಭಿಷೇಕವನ್ನು ಮಾಡಲಾಗುತ್ತದೆ. ಆ ಸಮಯದಲ್ಲಿ ಈ ಸ್ಥಳಕ್ಕೆ ಲಕ್ಷಾಂತರ ಜನರು ಬಂದು ದರ್ಶನ ಪಡೆಯುತ್ತಾರೆ.
ಬೆಂಗಳೂರಿನಿಂದ 160 ಕಿ.ಮೀ ಮತ್ತು ಮೈಸೂರಿನಿಂದ ಸುಮಾರು 80 ಕಿ.ಮೀ ದೂರದಲ್ಲಿರುವ ಈ ಶ್ರವಣಬೆಳಗೊಳವು ಜೈನ ಧರ್ಮದ ಜನರಿಗೆ ಅತ್ಯಂತ ಪವಿತ್ರವಾದ ಧಾರ್ಮಿಕ ಕೇಂದ್ರವಾಗಿದೆ.

ಹಂಪಿ – ವಿಶ್ವ ಪ್ರಸಿದ್ಧ ಐತಿಹಾಸಿಕ ತಾಣ

ಭಾರತದ ಅದ್ಭುತಗಳಲ್ಲಿ ನಮ್ಮ ಕರ್ನಾಟಕದ ಐತಿಹಾಸಿಕ ತಾಣ ಹಂಪಿ ಕೂಡ ಸೇರಿದೆ. ಹಂಪಿಯ ಸೊಬಗನ್ನು ನೋಡಲು ಪ್ರಪಂಚದಾದ್ಯಂತ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ.
ಒಂದು ಕಾಲದಲ್ಲಿ ವಿಜಯನಗರ ಸಾಮ್ರಾಜ್ಯದ ರಾಜಧಾನಿಯಾಗಿದ್ದ ಈ ತಾಣವು ರಾಮಾಯಣದ ಜೊತೆ ತಳುಕನ್ನು ಹಾಕಿಕೊಂಡಿದೆ. ಇಲ್ಲಿಯೇ ಶ್ರೀರಾಮ ಮತ್ತು ಸೀತೆಯರು ವಾಸವಾಗಿದ್ದರು ಎಂಬ ಪುರಾಣ ಇದೆ.
ಅಷ್ಟೇ ಅಲ್ಲ, ವಿಶ್ವ ಪರಂಪರೆಯ ತಾಣವಾಗಿರುವ ಹಂಪಿಯು ವಿಜಯನಗರ ಕಾಲದ ಅವಶೇಷಗಳು ಮತ್ತು ಸ್ಮಾರಕಗಳನ್ನು ಸುಮಾರು 26 ಚದರ ಕಿ.ಮೀ ಪ್ರದೇಶದಲ್ಲಿ ಹರಡಿಕೊಂಡಿರುವುದನ್ನು ಕಾಣಬಹುದು. ಇಲ್ಲಿ ಹಲವಾರು ಆಕರ್ಷಣೆಗಳಿವೆ. ಕರ್ನಾಟಕಕ್ಕೆ ಬರುವ ಪ್ರವಾಸಿಗರು ಇವುಗಳನ್ನು ತಪ್ಪದೇ ಅನ್ವೇಷಿಸಲೇಬೇಕು!

ತಾಜ್‌ ಮಹಲ್ – ಪ್ರೀತಿಯ ಅಮರ ಸಂಕೇತ

ತಾಜ್ ಮಹಲ್ ಭಾರತದ ಅದ್ಭುತ ಸ್ಮಾರಕ ಮಾತ್ರವಲ್ಲ, ಇದು ಪ್ರಪಂಚದ ಅದ್ಭುತಗಳಲ್ಲಿಯೇ ಒಂದು. ಪ್ರೀತಿಯ ಸಂಕೇತವಾದ ತಾಜ್ ಮಹಲ್ ಇತಿಹಾಸ ಪ್ರಿಯರ ಮೆಚ್ಚಿನ ತಾಣ.
17ನೇ ಶತಮಾನದಲ್ಲಿ ಷಹಜಹಾನ್ ತನ್ನ ಪ್ರಿಯ ಪತ್ನಿ ಮುಮ್ತಾಜ್‌ಗಾಗಿ ನಿರ್ಮಿಸಿದ ಈ ಸ್ಮಾರಕ ಪ್ರೀತಿಯ ಶಾಶ್ವತ ಸಾಕ್ಷಿಯಾಗಿದೆ. ಯುನೆಸ್ಕೋ ವಿಶ್ವ ಪರಂಪರೆ ತಾಣವಾಗಿರುವ ಇದು ಇಡೀ ವಿಶ್ವದ ಹೆಮ್ಮೆ.
ಈ ಅದ್ಭುತವನ್ನು ಕಾಣಲು ದೇಶದ ಮೂಲೆ ಮೂಲೆಯಿಂದ ಮಾತ್ರವಲ್ಲ, ವಿದೇಶದಿಂದಲೂ ಇತಿಹಾಸಕಾರರು ಮತ್ತು ಸಂದರ್ಶಕರು ಭೇಟಿ ನೀಡುತ್ತಾರೆ. ಪ್ರತಿ ವರ್ಷ ಲಕ್ಷಾಂತರ ಜನ ಇಲ್ಲಿಗೆ ಬರುತ್ತಾರೆ.

ಅಮೃತಸರದ ಗೋಲ್ಡನ್‌ ಟೆಂಪಲ್‌ – ಚಿನ್ನದ ದೇವಾಲಯ

ಅಮೃತಸರದಲ್ಲಿರುವ ಗೋಲ್ಡನ್‌ ಟೆಂಪಲ್‌ ಸಿಖ್‌ರ ಪವಿತ್ರ ಧಾರ್ಮಿಕ ಕ್ಷೇತ್ರ. ಜನಪ್ರಿಯವಾಗಿ ಗೋಲ್ಡನ್‌ ಟೆಂಪಲ್‌ ಎಂದು ಕರೆಯಲ್ಪಡುವ ಈ ಆಲಯದ ನಿಜವಾದ ಹೆಸರು ಶ್ರೀ ಹರ್ಮಂದಿರ್ ಸಾಹಿಬ್‌.
1585 ರಿಂದ 1604 ರ ಅವಧಿಯಲ್ಲಿ ನೀರಿನ ಕೊಳದ ಸುತ್ತಲೂ ನಿರ್ಮಿಸಲಾದ ಈ ದೇವಾಲಯ ಭಾರತದ ಅದ್ಭುತಗಳಲ್ಲಿ ಒಂದು. ಅಷ್ಟೇ ಅಲ್ಲ, ಇದು ಭಾರತದ ಶ್ರೀಮಂತ ದೇವಾಲಯಗಳಲ್ಲಿ ಒಂದಾಗಿದೆ.
ಪಂಜಾಬ್‌ನ ಈ ಪುಣ್ಯಕ್ಷೇತ್ರಕ್ಕೆ ಪ್ರತಿ ವರ್ಷ ಲಕ್ಷಾಂತರ ಜನರು ದರ್ಶನಕ್ಕಾಗಿ ಬರುತ್ತಾರೆ. ಇಲ್ಲಿಯ ಶಾಂತಿ ಮತ್ತು ಭಕ್ತಿಯ ವಾತಾವರಣ ಎಲ್ಲರನ್ನೂ ಆಕರ್ಷಿಸುತ್ತದೆ.

ಕೋನಾರ್ಕ್‌ ದೇವಾಲಯ – ಸೂರ್ಯನ ರಥ

ಒಡಿಶಾದಲ್ಲಿರುವ ಕೋನಾರ್ಕ್‌ ದೇವಾಲಯವು ಸೂರ್ಯ ದೇವನಿಗೆ ಮುಡಿಪಾದ ಅದ್ಭುತ ದೇವಾಲಯ. ಈ ಆಲಯವು ಸಂಕೀರ್ಣವಾದ ಅವಶೇಷಗಳನ್ನು ಹೊಂದಿದ್ದು, ಸುಮಾರು 100 ಅಡಿ ಎತ್ತರದ ಭವ್ಯ ರಥದ ನೋಟವನ್ನು ಹೊಂದಿದೆ.
ಭಾರತದ ಅದ್ಭುತಗಳಲ್ಲಿ ಕೋನಾರ್ಕ್‌ ದೇವಾಲಯವು ಒಂದು. ಇಲ್ಲಿ ನೋಡತಕ್ಕಂತಹ ವಿಶೇಷತೆ ಏನೆಂದರೆ, ಸೂಕ್ಷ್ಮವಾದ ಕೆತ್ತನೆಗಳಿಂದ ಅಲಂಕೃತಗೊಂಡಿರುವ ಚಕ್ರಗಳು, ಕುದುರೆಗಳು, ಸಿಂಹಗಳು ಮತ್ತು ಕಾಮಪ್ರಚೋದಕ ಶಿಲ್ಪಗಳು.
ಈ ಪ್ರಾಚೀನ ವಾಸ್ತುಶಿಲ್ಪದ ಸೊಬಗು ನೋಡಲು ಪ್ರಪಂಚದಾದ್ಯಂತದ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ.

ಖಜುರಾಹೊ – ಶಿಲ್ಪಗಳ ನಗರಿ

ಪ್ರಪಂಚದ ಪ್ರವಾಸಿಗರನ್ನು ಆಕರ್ಷಿಸುವ ಖಜುರಾಹೊ ಭಾರತದ ಅದ್ಭುತಗಳಲ್ಲಿ ಒಂದು. ಇದು ಮಧ್ಯಪ್ರದೇಶದ ಛತಾರ್ಪುರ್‌ ಜಿಲ್ಲೆಯಲ್ಲಿದೆ. ಖಜುರಾಹೊ ತನ್ನ ಕಾಮಪ್ರಚೋದಕ ಶಿಲ್ಪಗಳಿಂದ ವಿಶ್ವಪ್ರಸಿದ್ಧವಾಗಿದೆ.
ಇದನ್ನು 885 ರಿಂದ 1000 ರ ನಡುವೆ ಚಂದೇಲಾ ರಾಜವಂಶವು ನಿರ್ಮಿಸಿತು. ಹಿಂದೂ ಮತ್ತು ಜೈನ ದೇವಾಲಯಗಳ ಗುಂಪಾಗಿರುವ ಈ ಖಜುರಾಹೊ ವಿಶ್ವ ಪರಂಪರೆಯ ತಾಣವಾಗಿದೆ.
ಕಣ್ಣು ಸೆಳೆಯುವ ನಗರಾ ಶೈಲಿಯ ವಾಸ್ತುಶಿಲ್ಪಗಳು ಇತಿಹಾಸಕಾರರನ್ನು ಮತ್ತು ಕಲಾ ಪ್ರೇಮಿಗಳನ್ನು ಇಂದಿಗೂ ಆಕರ್ಷಿಸುತ್ತಿವೆ. ಈ ಪ್ರಾಚೀನ ಶಿಲ್ಪಕಲೆ ಭಾರತದ ಸಾಂಸ್ಕೃತಿಕ ಶ್ರೀಮಂತಿಕೆಯ ಸಾಕ್ಷಿ.

ಏಕತೆಯ ಪ್ರತಿಮೆ – ವಿಶ್ವದ ಅತಿ ಎತ್ತರದ ಪ್ರತಿಮೆ

ಗುಜರಾತ್‌ನ ಏಕತೆಯ ಪ್ರತಿಮೆಯು ವಿಶ್ವದಲ್ಲೇ ಅತಿ ಎತ್ತರವಾದ ಪ್ರತಿಮೆ! ಭಾರತದ ಕಬ್ಬಿಣದ ಮನುಷ್ಯ ಸರ್ದಾರ್ ವಲ್ಲಭಭಾಯಿ ಪಟೇಲ್‌ರಿಗೆ ಸಮರ್ಪಿಸಲಾದ ಈ ಪ್ರತಿಮೆಯು ಭಾರತದ ಪ್ರಮುಖ ಆಕರ್ಷಣೆಗಳಲ್ಲಿ ಒಂದು.
ಸುಮಾರು 3,000 ಕೋಟಿ ರೂಪಾಯಿ ವೆಚ್ಚ ಮಾಡಿ ಈ ಭವ್ಯ ಯೋಜನೆಯನ್ನು ಪೂರ್ಣಗೊಳಿಸಲಾಗಿದೆ. ಇಲ್ಲಿ ಸಾರ್ವಜನಿಕರಿಗಾಗಿ ಮ್ಯೂಸಿಯಂ ಮತ್ತು ಗ್ಯಾಲರಿಯನ್ನು ತೆರೆಯಲಾಗಿದೆ.
ಹಾಗೆಯೇ ಸರ್ದಾರ್ ವಲ್ಲಭಭಾಯಿ ಪಟೇಲ್‌ ಅವರ ಸಾಧನೆಗಳನ್ನು ಪ್ರದರ್ಶಿಸುವ ವಿಶೇಷ ಮ್ಯೂಸಿಯಂ ಇದೆ. ದೇಶ-ವಿದೇಶದ ಲಕ್ಷಾಂತರ ಪ್ರವಾಸಿಗರು ಈ ಅದ್ಭುತವನ್ನು ನೋಡಲು ಬರುತ್ತಾರೆ.

ಈ ಎಲ್ಲಾ ಅದ್ಭುತಗಳನ್ನು ನೋಡಿದ ನಂತರ ನನ್ನ ಫೇವರೇಟ್ ಯಾವುದು ಗೊತ್ತಾ? ಕರ್ನಾಟಕದ ಹಂಪಿ! ಯಾಕೆಂದರೆ ಇಲ್ಲಿ ರಾಮಾಯಣದ ಕಿಶ್ಕಿಂಧೆ ಇದೆ ಅಂತಾರಲ್ಲಾ? 2025ರಲ್ಲಿ ನಾನು ಹೋಗಿ ವೀಡಿಯೋ ತಗೊಂಡಿದ್ದೇನೆ – ನೀವು ಯಾವ ಅದ್ಭುತ ನೋಡಲು ಪ್ಲ್ಯಾನ್ ಮಾಡ್ತೀರಾ?

• ಕರ್ನಾಟಕದ ಏಳು ಅದ್ಭುತಗಳು – ನೋಡಲೇಬೇಕಾದ 7 ಅಚ್ಚರಿಯ ಸ್ಥಳಗಳು
• ಚೋಳ ಸಂತತಿಯ ಇತಿಹಾಸ – ದಕ್ಷಿಣ ಭಾರತದ ಮಹಾನ್ ಸಾಮ್ರಾಜ್ಯ
• Kannada Gk Questions With Answers
• Top 50 Gk question and answers in kannada
• ಮಹಾತ್ಮ ಗಾಂಧೀಜಿ